Ришат Төхвәтуллинның никах көне билгеле

Ришат Төхвәтуллин Алия Карачурина белән никах көненең кайчан булачагына ишарәләде. Аның әйтүенчә, мәҗлес ял көне узарга мөмкин. 

Җырчы 11 апрельдә социаль челтәрләрдә язылучыларының сорауларына җавап бирде.    Ул «Никах кайчан?» – дигән сорауга: «Тагын 4 көн калды», – дип җавап кайтарды.

Мәгълүм булганча,  Татарстанның һәм Башкортостанның атказанган артисты Ришат Төхвәтуллин сөйгәненә 6 мартта, Уфадагы бер концертыннан соң, тәкъдим ясады. 

Аның кәләше – талантлы җырчы Алия Карачурина.   «Күпләр минем җырларда җырланган мәхәббәтемне тизрәк табуымны теләде. Ул һәрвакыт минем янымда булды», – диде җырчы.