Россиядә «Имин юллар» онлайн-олимпиадасына старт бирелде

Анда илнең 85 субъектыннан 1-9 сыйныф укучылары катнаша.
«Имин сыйфатлы юллар» илкүләм проекты кысаларында үткәрелә торган чараны оештыручылар - РФ Транспорт министрлыгы, РФ Эчке эшләр министрлыгы, РФ Мәгариф министрлыгы, шулай ук «Илкүләм приоритетлар» автоном коммерцияле булмаган оешма.
Бөтенроссия онлайн-олимпиадасы икенче ел рәттән үткәрелә. Узган ел анда 85 регионнан 2,2 миллионнан артык 1-4 сыйныф укучылары катнашты. Чараның популярлыгы балалар белән профилактик эшнең актуальлеген күрсәтте: елдан-ел хәрәкәт интенсивлыгы арта, илнең юл челтәре киңәя, шуңа күрә мәктәп укучыларында юлларда куркынычсызлык культурасын формалаштыру Дәүләт автоинспекциясе хезмәткәрләре, ата-аналар һәм педагоглар өчен мөһим бурыч булып тора.
Олимпиада 19 ноябрьгә кадәр дәвам итәчәк. Биремнәрне өй шартларында мөстәкыйль рәвештә яки ата-аналар белән бергә башкарырга мөмкин.