Рөстәм Миңнеханов Чаллыга килә

ТР Президентының матбугат хезмәте җитәкчесе Лилия Галимова журналистлар катнашындагы брифингта шулай дип белдерде.

«Рөстәм Миңнеханов Чаллы шәһәр советы утырышында катнашырга ниятли. Бу республиканың зур сәнәгый потенциалы Чаллыда туплануы белән бәйле. Утырышта узган елдагы социаль-икътисади үсешкә нәтиҗә ясалачак, шулай ук быелга билгеләнгән бурычлар хакында фикер алышу күздә тотыла», - диде Лилия Галимова.

Ул билгеләп үткәнчә, утырыштан тыш, йомгаклау сессиясе кысаларында шәһәрнең сәнәгый потенциалына багышланган предприятиеләр күргәзмәсе дә оештырылачак.