Санитар таләпләрне бозучылар бар

«Тикшерүләр барышында дүрт объектта хокук бозулар ачыкланды: шәхси эшмәкәр Омаровның «Бахор» кафесында санитар-эпидемиягә каршы профилактика чаралары үтәлмәве ачыкланды. Аңа карата беркетмә төзелде, материаллар судка җибәрелде. Суд тарафыннан эшчәнлекне 60 тәүлеккә административ туктату турында карар кабул ителде. Шәхси эшмәкәр Мөхәммәдиеваның «Берлога» кафесында да  хокук бозулар ачыкланды. Анда бактерицид лампа, рециркулятор юк, битлекләр дөрес киелмәгән, тиешле журналлар тутырылмаган, дезинфекция чаралары белән тәэмин ителмәгән», – диде ул.  
Моннан тыш, «Стамбул», «Бакинский дворик»  кафеларында да тикшерүләр үткәрелде, ачыкланган хокук бозулар факты буенча эшмәкәрләргә беркетмәләр төзелде, материаллар судка җибәрелде.
Бүгенге көндә Чаллыда яңа коронавирус инфекциясенең лабораториядә расланган 3 518 очрагы теркәлгән. Күрсәткеч 100 мең кешегә 669,6 тәшкил итә, бу уртача республика күрсәткеченнән 2,4%ка түбәнрәк. 99 кеше медицина күзәтүе астында. 9 442 кеше терелгән.