Ремонттан соң бина кайчан ачыла?
Сара Садыйкова исемендәге концертлар залы капиталь ремонттан соң ишекләрен ачарга әзерләнә. Афиша буенча, 23 сентябрьдә яңартылган залда беренче булып «САДко» төркеме солисты Александр Бардин чыгыш ясарга тиеш иде. Әмма Россия җырчысы концерты «КАМАЗ» мәдәният сараена күчерелде.
Хәзер исә яңартылган сәхнәне беренче булып «Танцы Минус» рок-төркеме сынап караячак. Аларның концерты 25 сентябрьгә планлаштырылган һәм, учреждение хәбәр итүенчә, бу чара күчерелми.
Бинада 37 ел дәвамында масштаблы ремонт эшләре үткәрелмәгән. Проектның бюджеты 298,5 миллион сум тәшкил итте, ә эшләрне Илнар Гайсин җитәкчелегендәге «Евростиль» компаниясе башкарды.
Ремонт барышында бинада:
• Вентиляция һәм кондиционер системалары урнаштырылды;
• Техник җиһазлар һәм аппаратура тулысынча яңартылды;
• Сәхнә реконструкцияләнде һәм тамаша залы яңа төс алды;
• 300 һәм 500 урынлык ике иркен гардероб булдырылды.
Нет комментариев