Сентябрьгә өлгертерләрме? Чаллыда ике яңа мәктәп төзелә

Чаллының 34нче микрорайондагы мәктәптә төзелеш-монтаж эшләре тәмамланды. Хәзерге вакытта бинага бару юллары эшләнә, территория тәртипкә китерелә. 1 сентябрьдә биредә 1501 укучы укый башлый. 

«Притяжение» микрорайонындагы 1501 урынга исәпләнгән мәктәптә дә бизәү-сылау, инженерлык системаларын монтажлау, территорияне тәртипкә китерү эшләре төгәлләнеп килә. 

Ике мәктәптә дә икешәр бассейн, икешәр спорт залы, волейбол һәм футбол мәйданчыклары, зур һәм заманча актлар залы булачак. Мәгариф учреждениеләре яңа ук елына 90% әзер.