«Шәһри Чаллы»дан мәхрүм итмәгез!

Шундый затлы бүләк өчен өлкәннәребез – «Гигант» хуҗалыгы җитәкчесе Риф Имамов, «Ярыш» хуҗалыгы җитәкчесе Рәсим Шәйхаттаров һәм Сәйдәшев исемендәге авыл хуҗалыгы җитәкчесе Марат Сафинга рәхмәтле. Алар ярдәме белән әби-бабайлар атна саен газетабызны алып, көн кадагында булган яңалыклар, кызыклы вакыйгалар белән танышып баралар. 
– Газетаны бу елдан гына укый башладык. Бик эчтәлекле. Барлык темалар да яктыртыла. Өлкән булуыбызга карамастан, Аллага шөкер, хәтер әйбәт. Укып кына түгел, ятлап та барабыз хәтта, – дип сөйлиләр интернат-йортта гомер итүче Разаил Хәкимханов, Рафыйк Җамалиев, Мәүлидә Арсланова һәм Маһикамал Вагыйзова. 
– Киңәшләр, сәламәтлек рубрикаларын аеруча кызыксынып укыйбыз. Халык медицинасы, гыйбрәтле язмышлар аеруча игътибарны җәлеп итә. Газетаны калыпка салучыларга, язучыларга, шулай ук иганәчеләргә зур рәхмәтләребезне белдерәбез, – ди Зәфирә әби Исламова. 
Шундый ихлас укучыларыбыз булганда эшлисе дә, язасы да, газетаны кызыклы һәм эчтәлекле дә итәсе килә. Форсаттан файдаланып, өлкән буын әби-бабайларыбызны сөендергән олы йөрәкле иганәчеләребезгә олы рәхмәтләребезне җиткерәбез. Эшләгән игелекле гамәлегез үзегезгә йөзләтә артыгы белән кире әйләнеп кайтсын! 
 

Гөлия Ибатуллина.