Шәһәрне бизәүчеләр билгеле

Шәһәр хакиме Наил Мәһдиев “Эшлекле дүшәмбе” киңәшмәсендә Чаллыны яңа елга иң яхшы бизәүче предприятие һәм оешма җитәкчеләрен бүләкләде. “Район чыршысын иң яхшы бизүче” номинациясендә Рим Сафиуллин җитәкчелегендәге “Мәдәният һәм ял паркы” коллективы беренче дәрәҗәдәге дипломга лаек булды. “Микрорайон территориясен иң матур бизәүче” номинациясендә Суар микрорайонындагы балалар мәйданчыгын бизәгән Әнвәр Таһиров җиңде. Бюджет оешмалары арасында Илүсә Гамманова җитәкчелегендәге “Шатлык” балалар бакчасы икенче урын яулады. Коммерцияле оешмалар арасында Наилә Саттарова җитәкчелегендәге “Опен Сити Отель” компаниясе призлы урын алды.