Синоптиклар боз яву, яшен һәм көчле яңгыр көтелүе турында кисәтте

Көндез һәм кичен республикада яшен һәм тизлеге 17-22 м/с булган көчле җил исүе, урыны белән боз явуы ихтимал. Көннең икенче яртысында урыны белән көчле яңгырлар булырга мөмкин, дип хәбәр итә Татарстанның Гидрометеорология һәм әйләнә-тирә мохитне күзәтү идарәсе.

Төнлә һәм иртән Татарстанда томан төшәчәк. Төнлә һава температурасы +14..+19 градус тәшкил итәчәк, көндез һава +26..+31 градуска кадәр җылыначак.