Синоптиклар: карлы яңгыр, буран, бозлавык

Алдагы көннәрдә дә республикада карлы яңгырлар явачак. Урыны белән буран көтелә. Җил секундына 17 метр тизлектә исәчәк. Иртәнге һәм төнге якта томан төшүе ихтимал, ди ТР гидрометеорология үзәге.

10 январь, җомга көндез -3..+1 булса, төнлә -6 градуска кадәр төшәчәк. Шимбә көнне дә көндез +3, кичкә катыра. Шуңа күрә юлларда бозлавык булачак. 11 январьдан көнне суыта башлый. Көндез -1..-6, төнлә -3..-8 градус. 

Синоптиклар фаразлавынча, 13,14 январьда республикага салкын атмосфера фронты киләчәк. 13 январь һава температурасы көндез -5, төнлә -12 кадәр төшәчәк.