Суд Чаллы эшмәкәрен СИЗОга җибәрде

Яр Чаллы суды Чаллы эшмәкәре Валерий Чулаковка сак чарасы билгеләде. Аны 2 айга тоткарлау турында карар кабул итте. Эшмәкәр 11 ноябрьгә кадәр Чистай СИЗОсында булачак. Тукай районының элеккеге башлыгы Фаил Камаев та шунда. 

Тикшерүчеләр Чулаковның Түбән Суык-Су авылындагы 45 млн сумлык 25 җир участогын (аларның бер өлеше саклана торган зонада)  муниципалитет милкендәге Калмаш авылындагы 100 млн сумлык 5 участокка алмаштыруын ачыклаганнар. Нәтиҗәдә дәүләткә якынча 65 млн сумлык зыян килгән.

Судта Чулаков гаебен танымаган.

Эшмәкәрне якларга Чаллы адвокаты Руслан Ганиев алынган. 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).