Сукбайлар “Азатлык” мәйданындагы өйләргә ияләшкән

Яр Чаллы "Халык контроле"нә бер ханым Азатлык мәйданындагы бәйрәмнәр вакытында сәүдә өчен файдаланучы агач йортларны алып ташларга кирәк , дип мөрәҗәгать иткән. Өйләр буш торган арада анда бомжлар ишекләрен ватып кереп яшәп яталар, ди. Кайберләренең тәрәзәләре ватык. Сукбайлар өй артларын җәмәгать җәмәгать бәдрәфе иткәннәр. Димәк биредә бу йортларны саклаучылар юк.

Исегезгә төшерәбез: әлеге агач өйләр узган ел Яңа ел алдыннан бәйрәмнәрдә даими файдалану өчен төзелгән иде, аларны күчереп йөртү яки җыеп кую мөмкин түгел.