Танышын 20 мең сум өчен үтергән

Вакыйга февраль аенда була. Ир-ат йорт подвалында танышы белән спиртлы эчемлекләр куллана. Шул вакытта яшерен рәвештә шешәдәшенең телефонын урлый. Соңыннан зыян күрүченең 20 мең сум күләмендә акчасын кулга төшерергә теләп, аны  типкәли. Күп тапкыр газ ачкычы, кадак суырткычы белән суга, соңыннан кайнар су белән коендыра. Җәрәхәтләрдән ул урында ук вафат була. 

Суд дәүләт гаепләүчесе позициясе белән килеште һәм җинаятьләр җыелмасы буенча гаепле кеше 17 елга ирегеннән мәхрүм ителде. Ул катгый режимлы төзәтү колониясендә утырачак. Әлегә суд карары үз көченә кермәде.