«Татар кызы-2021»бәйгесе матурлык Алабугада узды

КФУның Алабуга институтының актлар залында Туган телләр һәм халыклар бердәмлеге елы кысаларында «Татар кызы-2021» матурлык бәйгесе узды.​ ​ Анда «Университет​» мәктәбенең иң талантлы​ кызлары көч сынашты.​

Катнашучылар «Үзем турында үзем», «Татар халык ашлары», «Биючегә сүз әйтмәгез», «Дефиле», «Кем зирәк» кебек этапларда үзләренең осталыкларын күрсәтте.​ Алар үзләрен​ хуҗабикә, биюче, тел остасы​ буларак та ачтылар, тәмле ризыклары белән жюриларны таң калдырдылар, дип хәбәр итә Бөтендөнья татар конгрессы.

Конкурсның барлык этаплары нәтиҗәләре буенча «Татар кызы-2021» титулына​ 7 «Б» сыйныфы укучысы Юлия Заһретдинова лаек булды.

​Кызларга бәя бирүчеләр арасында Алабуга муниципаль районының татар яшьләре оешмасы җитәкчесе Гүзәл Фатыйхова да бар иде.

Чыганак:Татар-информ