Татар җырчысы махсус хәрби операциягә китә

Заманында «Әле дә син бар әле дөньяда», «Зәңгәр күзле кызны сагынам» җырлары белән популярлык казанган Башкортстанның атказанган артисты Радик Динәхмәтов үз теләге белән махсус хәрби операциягә китә. 

Бу хакта  «Юлдаш» радиосы хәбәр итте. 

«Минем яңа вазифа – медицина взводы санитары. Яралыларга беренче ярдәм күрсәтергә өйрәнәбез. Мин тулы хәрби әзерлек (окоплар казу, марш-бросоклар...) үтәргә тиеш. Без көн саен полигонда», – дигән 58 яшьлек җырчы. Ул яңа вазифасына өйрәнүләр узгач керешә.