Татарстан комбайнчылары Президент грантлары өчен көрәшәчәк

Татарстан Республикасында комбайнчылар арасында республика Президенты Рөстәм Миңнеханов грантына конкурс старт ала. Бу хакта ТР җитәкчесенең матбугат хезмәте хәбәр итә. Бүген Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров республика Хөкүмәт Йортында узган киңәшмәдә конкурс башлануы турында игълан итте.

«Урып-җыю конвейерының барлык участокларында югары җитештерүчәнлекле хезмәт күбесенчә хезмәткәрләрне кызыксындыру ысулларын уңышлы куллануга бәйле», - дип билгеләп үтте Җәббаров һәм муниципаль районнар җитәкчеләреннән нәтиҗәләрне объектив санауны алып баруларын, мәгълүматны Татарстан Республикасы Авыл хуҗалыгы һәм азык-төлек министрлыгына вакытында бирүләрен сорады.

Татарстан Республикасы авыл хуҗалыгы һәм азык-төлек министры, конкурсның бүләкләү фонды 100 мең сумлык 200 премия тәшкил итә, дип өстәде.