Татарстан Рәисе матбугат хезмәте: Пилотсыз очкыч һөҗүме нәтиҗәсендә зыян күрүчеләр бар
Бу хакта ТР Рәисе матбугат хезмәте җитәкчесе Лилия Галимова хәбәр итте.
«Бүген дошман пилотсыз очкычларының республиканың Кама аръягы төбәгенә масштаблы һөҗүме нәтиҗәсендә Түбән Каманың кайбер предприятиеләре зыян күрде. Урында махсус хезмәтләр оператив рәвештә һөҗүм нәтиҗәләрен бетерә. Кайбер участокларда зыян күрүчеләр бар. Берничә кеше җиңелчә тән җәрәхәтләре алган. Аларга кирәкле медицина ярдәме күрсәтелде», - дип сөйләде Галимова.
Моннан тыш, пилотсыз очкычлар Тукай районында шәхси йортка һөҗүм иткән. Ике кеше зыян күргән. Аларга беренче ярдәм күрсәтелгән.
ТР Рәисе Рөстәм Миңнеханов күрсәтмәсе белән зыян күргән районнарның башлыклары һөҗүм нәтиҗәләрен бетерүне шәхси контрольгә алды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев