Татарстанда беренче яшь гаилә "Президент” социаль ипотека программасы буенча торак алуны рәсмиләштерде

Татарстанда беренче яшь гаилә яңа шартларда социаль ипотека программасы буенча торак алуга теркәлгән. Бүген бу хакта Татарстан Республикасы Президенты Рөстәм Миңнеханов Бөгелмә районының яшь гаиләләре белән очрашуда хәбәр итте.

Татарстан Президенты матбугат хезмәте җитәкчесе Лилия Галимова сүзләренә караганда, очрашуда катнашучыларның берсе шулай ук программада катнашу планнары белән уртаклашты, мондый мөмкинлек өчен Рөстәм Миңнехановка рәхмәт белдерде.

Татарстан  Президенты бу программаның мөһимлеген билгеләп үтте, чөнки нәкъ менә торак мәсьәләсе яшь гаиләләр өчен аеруча актуаль. Элегрәк Татарстан Президенты Татарстан Хөкүмәтенә социаль ипотека программасының гамәлдә булуын Татарстанның барлык яшь гаиләләренә киңәйтергә кушты, чөнки хокуктан бары тик бюджет өлкәсендә эшләүче яшь хезмәткәрләр генә файдаланды.

Яшь гаиләләр фатирны 28,5 елга сатып ала алачак. Ике кешедән торган гаиләгә норматив - 42 кв.метр, 3 кешедән торган гаиләгә — 18әр кв. метр.