Татарстанда - янгын чыгу куркынычы

Һава торышы эссе һәм коры тору сәбәпле, республика урманнарында дүртенче дәрәҗәдә янгын чыгу куркынычы булган чор урнашты. Шул сәбәпле, 12 июньнән 17 июньгә кадәр урманнарда учак ягу, ачык уттан файдалану катгый тыела.

Урман сагы инспекторлары барлык район гражданнарын урманнарда янгын иминлегенең бөтен чараларын үтәү үтенече белән мөрәҗәгать итәләр. Шулай ук янгын чыгу фактлары булса, кичектермичә МЧСка хәбәр итүләрен сорыйлар.