Татарстанда коронавирустан өченче кеше үлде

Бу турыда Татарстан Президенты матбугат хезмәте җитәкчесе Лилия Галимова хәбәр итә.

Коронавирус белән авырган казанлыга 76 яшь булган, ул 26 апрельдә стационарга китерелгән. Пациент Covid-19 вирусыннан тыш, хроник обструктив үпкә авыруы, йөрәк-кан тамырлары системасы һәм бронхиаль астма белән авырган.

Covid-19 диагнозын экспертиза раслаган.

Республикада бүген коронавирус белән авыруның 71 яңа очрагы ачыкланган.