Татарстанда мәктәпләрне "дистанционкага" күчерергә җыенмыйлар

Тиздән укучыларның каникуллары башлана. Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе җитәкчесе урынбасары Любовь Авдонина башка шәһәрләргә экскурсияләргә чыгу өчен бернинди чикләүләр дә булмаячак, дип белдерде.

«Биредә эш форматы традицион, балаларның төркемдә биш кешедән артык булса, безнең белән килешенгән булырга тиеш. Моны алдан ук эшләргә кирәк, чөнки без балалар барачак субъектның коллегалары белән очрашабыз. Кайдадыр музей яки күргәзмәләргә бару өчен чикләүләр булырга мөмкин. Бүгенге көндә юлларга тыюлар юк, әмма вәзгыять даими үзгәрә, шуңа күрә кая да булса чыгарга җыенганыгызны хәбәр итү яхшырак»,-диде Авдонина.

Республикада өлкән сыйныф укучыларын дистанцион укыту форматына күчерү планлаштырылмый, дип белдерде Роспотребнадзорның ТР буенча вәкиле.

«Бүгенге көндә мәктәп укучылары буенча хәл безгә уку процессын көндезге режимда үткәрергә мөмкинлек бирә. Балалар арасында авыручылар саны олыларныкына караганда тугыз тапкыр кимрәк. Мәктәпләрдә теркәлгән учаклар бөтен республикага бер. Шуңа күрә, балалар гадәти форматта укый,җәй көне үткәрә алмаган мәктәп яны лагерьлары көзге каникулларда бүгенге көндә булган санитар кагыйдәләр буенча чикләнгән форматта эшләячәк. Массакүләм чаралар да, конкурслар да булмаячак. Бүгенге көндә Роспотребнадзор тарафыннан дистанцион укытуга күчү планлаштырылмый. Моннан тыш, без, киресенчә, балаларның укуларын көндезге режимда дәвам итүләре өчен», - дип аңлатты Авдонина.