Татарстанда шторм кисәтүе игълан ителде

Татарстанда көчле җил сәбәпле шторм кисәтүе игълан ителде. ТР Гидрометеорология һәм әйләнә-тирә мохитне күзәтү идарәсе шундый хәбәр таратты.

Бүген һәм иртәгә көн дәвамында республика территориясендә көньяктан һәм көньяк-көнбатыштан көчле җил исәчәк, аның тизлеге секундына 15-20 метрга кадәр җитәчәк. Урыны белән хәтта тизлеге секундына 25 метрга кадәр җитәчәчк дип фаразлана.

Бофорт шкаласы нигезендә, секундына 13,9-17,1 метр тизлектәге җил – көчле, 17,2-20,7 метр тизлектәгесе – бик көчле, 20,8-24,4 метр тизлектәгесе – давыл, 24,5-28,4 метр тизлектәге җил көчле давыл дип атала.