Татарстанда үзмәшгульләр саны 83 мең кешегә кадәр арткан

Татарстанда үзмәшгуль гражданнар саны 83 меңгә кадәр арткан. Бу хакта ТР Дәүләт Советының Икътисад, инвестицияләр һәм эшкуарлык комитеты утырышында ТР икътисад министры Мидхәт Шаһиәхмәтов хәбәр итте.

Икътисад министрлыгы башлыгы сүзләренә караганда, агымдагы ел башына республикада 57,6 меңгә якын үзмәшгуль кеше исәпләнгән. «Бүгенге көндә бу сан 83 меңнән артык кеше тәшкил итә. Без монда билгеле бер үсеш күрәбез. Моннан тыш, үзмәшгульләр кече һәм урта бизнес ала торган ярдәм чараларын да алачак дигән карар кабул ителде", - дип ассызыклады ул.