Татарстанга кайчан яз киләчәген әйттеләр

Синоптиклар фаразынча, иртәгә 16 февральдә һәм шимбә, 17 февральдә иң салкын көннәр булачак. Чаллыда термометр баганалары - 27 градуска кадәр төшәр дип көтелә. Алга таба җылыта башлаячак, чөнки республикага Атлантик циклон килә. Шимбә автокалада кар явачак, температура көндез -11 градусны тәшкил итәчәк. 

«Чын яз» якынча 30 март – 3 апрельдә киләчәк. КФУның Экология һәм табигатьтән файдалану институты метеорология, климатология һәм атмосфера экологиясе кафедрасы профессоры Юрий Переведенцев әнә шундый фикердә.