Татарстанга салкыннар килә

4 февраль көнне республикада иртәнге һәм төнге якта -23...-28 градус салкын булачак. Урыны белән градусниклар -31 һәм аннан түбән саннарны күрсәтәчәк. Көндез һава температурасы -19...-24 градус булачак, дип хәбәр итә синоптиклар. 

Иң салкын төн 5 февральгә туры килә. Һава температурасы төнлә -28 градуска кадәр төшәчәк. Татарстанның көнчыгыш районнарында –  -33 градуска кадәр. Көндез -16...-21 градус салкын булачак. Явым-төшемнәр көтелми. Юлларда бозлавык сакланачак.

6 февральдә бераз җылытачак. Көндез -9..-14 булса, кичен -14..-19 градус салкын. 

7 февральдә һава торышы тагын үзгәрә. Һава температурасы -6..-11 кадәр күтәрелә. Әмма көнбатыш атмосфера фронты нәтиҗәсендә, урыны белән бураннар көтелә.