Татарстанның дәүләт хезмәтләре порталында 82 яңа электрон хезмәт эшли башлады

Татарстанлылар өчен электрон рәвештә мөмкин булган яңа хезмәтләр арасында иң күп хезмәтләр: 
– Муниципаль берәмлекләрнең башкарма комитетлары; 
– Татарстан Республикасы Хезмәт һәм социаль яклау министрлыгы; 
– ТР Җир һәм мөлкәт мөнәсәбәтләре министрлыгы; 
– ТР Урман хуҗалыгы министрлыгы һәм башкалар.
«Хәзерге вакытта без башкарма хакимият органнары һәм муниципалитетлар белән берлектә алып барган эш принципиаль әһәмияткә ия. “Цифрлы икътисад” милли проектын гамәлгә ашыру кысаларында Россия Президенты тарафыннан конкрет бурыч куелды – барлык социаль хезмәтләрне электрон рәвешкә күчерү. Безнең республикада тагын да зуррак бурычны гамәлгә ашырырга ниятлибез: Татарстан территориясендә күрсәтелә торган барлык дәүләт һәм муниципаль хезмәтләрне халык электрон форматта файдалана алырга тиеш», – дип билгеләп үтә Татарстан цифрлы үсеш министры Айрат Хәйруллин. 
Исегезгә төшерәбез, "Цифрлы трансформация" Россия Президенты Владимир Путин билгеләгән биш милли максатның берсе булып тора. Максатның төп бурычлары арасында – электрон рәвештә мөмкин булган барлык массакүләм социаль әһәмияткә ия хезмәтләрнең өлешен 95%ка кадәр арттыру.