Түбән Камада 5 катлы йортта шартлау булды (видео)

Бүген иртәнге сәгать 5тә Түбән Камада гадәттән тыш хәл була. Биредә Вахитов проспектындагы биш катлы йортларның берсендә газ шартлый. Вакыйга урынына тиз арада янгын сүндерү хезмәтләре килә. Алар 9 кешене коткара, 15 кеше үзләре чыга. Шәһәр үзәк хастаханәсе матбугат хезмәтендә хәбәр итүләренчә, бер ир авыр хәлдә хастаханәгә салына,  бер хатын-кыз медицина ярдәме күрсәтелгәннән соң амбулатор дәвалануга җибәрелә. 

Йортта газ шартлау мизгеле видеога да эләгә. Кадрларда шартлауның беренче каттагы фатирда булуы күренә.