Тукай районында абыстайлар җыелышты

Тукай районы Әҗмәкәй авылы мәчетендә район мөхтәсибәтенең мәчет каршындагы курсларда белем бирүче абыстайлар җыелышы узды. Биредә мөгаллимәләр район мәчетләрендә хәнәфи мәзһәбенә һәм имам Әбу Мансур Әл-Матуриди гакыйдәсенә, Нәзарәт стандартларына туры килгән бердәм программа буенча укыту турында сүз алып барды. Проектлар һәм планнар буенча фикер алышты. 

Тукай районы имам-мөхтәсибе Инсаф хәзрәт Сәүбәнов укытучылар алдында үгет-нәсыйхәт сүзләре белән чыгыш ясады. Хезмәтләре өчен рәхмәтен белдерде. Күп еллар мәчетләрдә намус хезмәт куйган абыстайларга рәхмәт хатлары тапшырды. Коръән бәйгесендә җиңгән хатын-кызлар грамоталар белән бүләкләнде. Җыелыш дога кылу һәм төшке аш белән тәмамланды.

Фотолар Тукай районы мөхтәсибәтеннән алынды