Тукай районында балаларны мәктәпкә әзерләргә ярдәм иттеләр

Иске Җирекле авылы мәчетендә истәлекле вакыйга булды. Тукай районында яшәүче 32 балага мәктәп кирәк-яраклары сатып алуга 2 мең ярым сумлык сертификат тапшырдылар. 

Әлеге изге гамәл "Ихсан" хәйрия фонды белән ел да тормышка ашырыла.  Проект "В школу без забот" дип атала. Максаты - аз керемле һәм күп балалы гаиләләргә иганәчеләр ярдәмендә мәктәпкә әзерләнүдә ярдәм итү. 

Тукай районы имам-мөхтәсибе Инсаф хәзрәт Сәүбәнов балаларны яңа уку елы башлануы белән котлады һәм аларга изге теләкләрен җиткерде. Шулай ук әти-әниләрне ихтирам итәргә кирәклеге турында ассызыклады.

Әлеге күңелле чара мул табын белән дәвам итте. Балалар әти-әниләре белән бергә пылау, тәм-томнар белән сыйланды. 

Тукай районы мөхтәсибәте фотолары