Яңалыклар тасмасы
Тукай районында югалган пенсионерны таптылар
Аны волонтерлар, полиция хезмәткәрләре, туганнары, күршеләре тәүлек буе эзләде.
73 яшьлек ир-атны Тукай районындагы басудан таптылар. Ул “Дубрава” бакчачылык ширкәтеннән 2 километр ераклыкта булган. Өлкән яшьтәге ир-ат хәтере югалудан интегә. МЧС хезмәткәрләре хәбәр итүенчә, ир-ат сәламәтлегенә зыян килмәгән, аны якыннары килеп алган.
Исегезгә төшерәбез, пенсионер югалуы турында хәбәр МЧС диспетчерлык хезмәтенә 11 сентябрьдә 17 сәгать 31 минутта килеп иреште. Көндезге 2дә авылда яшәүчеләр пенсионерның урман янында урнашкан йорт тирәсендә ботаклар җыйганын күргән булган.
Следите за самым важным и интересным в Telegram-каналеТатмедиа
Нет комментариев