Фаҗига Чаллы янындагы "Усадьба-3" бакчачылык ширкатендә булган. Бер шәхси йортта 12 яшьлек кызның мәетенә әнисе тап булган, дип баштарак хәбәр иткән идек.
Әлеге кыз Чаллының бер мәктәбендә укый торган булган.
- Кичә кич әлеге гаилә янына барып кайттым. Кыз бала үз бүлмәсендә асылынган. Гаиләләре үрнәк, бернинди дә учетта тормыйлар иде. Фаҗига күргән гаиләнең 9 һәм 3 яшьлек балалары бар. Мин аларга, Кече Шилнә авыл җирлеге исеменнән, нинди дә булса ярдәм кирәк булса, без булышырга әзер, дип әйттем. Алар тыйнак кына баш тартты, - дип сөйләде безгә Кече Шилнә авыл җирлеге башлыгы Гадел Даутов.
Хәзерге вакытта әлеге хәлнең сәбәпләрен ачыклыйлар. 12 яшьлек кызны иртәгә Олы Шилнәдә җирлиләр.
Фото: https://pixabay.com/
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев