Үз теләге белән хәрби комиссариатка барган

Шәһәрдәшебез, танылган спортчы, армрестлинг буенча Европа чемпионы, Россиянең атказанган спорт мастеры Фәнис Нуретдиновны Чаллыда белмәүчеләр сирәк. Төрле ярышларда җиңеп, 217 медаль алган ул. Моннан тыш, берничә китап та чыгарды. 
Фәнис Нуретдинов буген   үз теләге белән өлешчэ мобилизациядә катнашырга  теләк белдерде,    гариза язып, хәрби комиссариатка килде. «Миңа 70 яшь. Ватаныбызга куркыныч янаганда читтә кала алмыйм », – диде ул.  Тик аның үтенечен канәгатьләндермәделәр. Президент Указы буенча бу  яшьтәге кеше  хәрби хезмәткә алынмый.