Вакцина ясату – бердәнбер юл

Бүгенге көндә шәһәрдә көненә 3500-3700 кеше вакцина ала, бу санны 4000гә җиткерү мөмкинлеге дә бар. Шифаханәләр, вакцина ясау пунктлары бәйрәм көннәрендә дә гадәти режимда эшли.  Вакцинаның беренче компонентын – 186 мең, икенчесен 122, 6 мең кеше алган. Гомуми иммунитет булдыру өчен 328,3 мең кеше вакцина алырга тиеш.  Белгечләр әйтүенчә, хастаханәләрдәге авыруларның 90%ы вакцина ясатмаган. Прививка ясатучылар чирне күпкә җиңелрәк кичерә. Мэр вакцинага каршы кешеләргә хастаханәләрнең реанимация бүлекләренә барып килергә тәкъдим итте.  «Үлем белән күзгә-күз очрашкач, табибларга карата фикерегез үзгәрер, бәлки. Без ел буена вакцина ясатырга чакырдык. Тыңламадылар. 9 ноябрьдән соң вакцинасы булмаган кешеләр эшләрен югалтырга мөмкин. Үзләрен һәм якыннарын куркыныч астына куймасыннар иде», – диде мэр.