Ветераннарга өстәмә акча бирелә

Татарстанда Бөек Ватан сугышы ветераннарына матди ярдәм күрсәтеләчәк. Җиңү бәйрәменә аларга өстәмә рәвештә 10 мең сум акча түләнәчәк.

«Ветераннарга әлеге акчаны алу өчен гариза язарга да, беркая барырга да кирәкми. Акча банк картасына киләчәк. Ә пенсияләрен почта хезмәткәрләре аша алучыларга 10 мең сумны өйләренә китереп бирәчәкләр», – диделәр газетабыз хәбәрчесенә ТР Хезмәт, мәшгульлек һәм социаль яклау министрлыгының Чаллы идарәсендә. 

Түләүләр 30 апрельдә башлана. Өстәмә акча ветераннарга пенсия белән бер график буенча бирелә.