Хатынын үтереп, бакчасында күмеп куйган

Элекке хатынын вәхшиләрчә үтергән ир-атка карата тиздән хөкем карары чыгарылачак. ТР Тикшерү комитеты җинаять эшен судка тапшырды.

Исегезгә төшерәбез, фаҗига август аенда Тукай районының "Санаръ" бакчасында була. Аерылган ирле-хатынлы милек бүлешәләр. Ир-ат тормыш иптәшенә 900 мең сум бирә. Әмма ул моңа риза булмый. Өстәмә тагын 600 мең сум сорый. Ир-ат кызып китеп, элекке хатынына йодрык белән суга. Соңыннан буып үтерә. Мәетен бакчада күмә. Хатын-кызны туганнары эзли башлый. Бер атнадан соң җинаятьченең эзенә чыгалар. Әлегә ул сак астында.   

Аңа 6 елдан 15 елга кадәр ирегеннән мәхрүм ителү яный.