Яр Чаллыда "Ветераннар сәламәтлеге - безнең кайгыртучанлык" социаль проекты тормышка ашырыла

Проект шәһәрнең Үзәк һәм Автозавод районнары территориясендә яшәүче Бөек Ватан сугышы ветераннарына "Киләчәк медицинасы" Клиникалары ассоциациясе табиблары тарафыннан түләүсез медицина ярдәме күрсәтүгә юнәлдерелгән. Проектның максаты - авыруларны вакытында ачыклау һәм профилактикалау, авыруларны киметү һәм сугыш инвалидларына һәм ветераннарына кирәкле медицина ярдәме күрсәтү. Проектның инициаторы - Шәһәр Советы депутаты Эдуард Фәттахов.

Проект кысаларында айга бер тапкыр клиника табиблары ветераннарның патронажын башкара: кан басымы һәм шикәр дәрәҗәсе үлчәнә, медицина препаратлары буенча консультатив ярдәм күрсәтелә, кирәк булганда ЭКГ төшерелә һәм тикшеренү, дәвалану буенча алга таба тәкъдимнәр бирелә.

http://nabchelny.ru/