Бер атна эчендә Татарстан торак инспекторлары төрле шәһәрләрдә күп фатирлы 70 йортны тикшергән.
Белгечләр барлыгы 74 хокук бозу очрагын ачыклаган, шуларның 49ы җылылык чорына әзерлек буенча.
Мисал өчен, Чаллының «Жилкомбыт-Сервис» идарәче компаниясенә караган 19/2, 19/3 йортларында. Йортларның кышкы шартларда эксплуатациягә әзерлек паспортлары торак-коммуналь хуҗалыкның дәүләт мәгълүмат системасында да урнаштырылган, ягъни, документ буенча, йортлар җылылык җибәрүгә әзер. Әмма тикшерү барышында 19/2 номерлы йортта инспекторлар подвалны су басканлыгын, аның яктыртылмаганлыгын һәм чүп-чар белән тулганлыгын ачыклаган .
19/3 номерлы йортта отмостка, цоколь җимерелгән, подвал һәм чорма чүп-чар белән тулган. Идарәче компаниянең баш инженеры административ җаваплылыкка хөкем ителгән һәм 25 мең сумга штрафка тартылган.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев