Җырчы Артур Хәсәновка ни булган?

Ватсап чатларында "Киек каз юллары" җырын башкарып танылган Артур Хәсәнов һәлак булган дигән имеш-мимешләр таралды. Бу хәбәр күпләрне борчуга салды. Артурның хәлен белешер өчен, бертуган абыйсы белән элемтәгә кердек. Ул: "Мондый сорау белән шалтыратучы сез генә түгел. Аллаһка шөкер, энем белән сөйләшеп торабыз. Гадәттәгечә ул: "Бар да яхшы", - диде. Концертларга кайтып йөри алмый, әлбәттә. 

Күптән түгел "Киек каз юллары" җыры авторы Гүзәлия дә үзенең социаль челтәрендә: "Артурны концертымда күрергә телисезме?" - дип сораштыру үткәргән иде.