Зурлар ешрак имгәнә

Тимераякта, чаңгыда, ватрушкада шуу еш кына күңелсез хәлләргә китерә. Белгечләр әйтүенчә, ял көннәрендә имгәнүчеләр аеруча күп икән. Үткән ялларда 20 дән артык балага медицина ярдәме күрсәтергә туры килгән.
Зурлар арасында бәхетсезлек очраклары күбрәк. Ял көннәрендә ашыгыч медицина ярдәме күрсәтү хастаханәсенең травматология пунктына 172 кеше мөрәҗәгать иткән. Ел башлануга гына карамастан, биредә төрле дәрәҗәдә зыян күргән 5246 кешегә медицина ярдәме күрсәтелгән инде. Аларның кайсы спорт белән шөгыльләнгәндә, кайсы – өйдә, кайсы эштә травма алган.