Адым саен алдакчы

Хәзерге алданучылар «МММ» кабаласын уйлап тапкан Мавродий вакытында сабый гына булганнардыр шул әле, аны белгән булсалар, алданмаслар иде. Халыкны алдаучы үзе нәрсә уйлый икән, үзенә эләгәсен белә бит ул. Мошенникларга закон каты түгел диләр, акчаларым ышанычлы урында, күп бирмәсләр, гомерем буе рәхәт яшәрмен дип уйлый торгандыр инде. Алданганнарга акчаны кире бирми инде ул. Дәүләт андыйларга халыкны алдарга ник мөмкинлек бирә? Уен автоматлары да яшертен генә һаман эшли диләр, анда да күпме кеше алдана. Монысы да кешене талауның бер юлы бит. Уен автоматына кеше нык ияләшә, уйнамый тора алмый башлый, наркоманнар үз агуларыннан башка тора алмаган сыман. Азартлы уеннар дин буенча да тыела, гөнаһ санала бит, чөнки кешене юлдан яздыралар, уенчының үзенә дә якыннарына күп хәсрәт китерәләр алар. 
Әзһәр Зәйни.