Әнвәр Нургалиев Диана Сәфәрованың малайларына кыйммәтле бүләк бирде

Татарстанның атказанган артисты Әнвәр Нургалиев автомобиль һәлакәтенә очрап үлгән туганы Диана Сәфәрованың малайларына балаларны яклау көненә кыйммәтле бүләкләр алган. Хатыны Ирина белән бүләкләрне тапшыру өчен Чишмә авылына китте. 

– Динабазның балаларына ярдәм өчен күчергән акчаларыгызга улымның киңәше белән Сәит белән Салманга «Джип» машиналары (уенчык)  алдык. Айшә зур инде, аңа акча бирергә булдык, үзенә кирәк әйберне алыр. Балаларны сөендергәнегез өчен барыгызга да рәхмәт, – диде җырчы социаль челтәрдә.