Артистлар күңелсез хәлгә очраганнар

Татар эстрадасының өметле җрычылар Азат Абитов белән Рәнис Габбазов Россиянең татарлар яшәгән төбәкләрендә еш чыгыш ясыйлар.

Шушы көннәрдә аларның  Оренбург өлкәсе Каргалы авылында концертлары булган.

Концертта беренче җырдан соң залда ут сүнгән. Ут булачагына өметләнеп артистлар баянга җырлый башлаганнар. 

«10, 20, 30, 40 минут узды – электрны бирмиләр. Шулай итеп, 2 сәгатькә якын микрофонсыз, утсыз, баянга җырладык. Бер тамашачы да кайтып китмәде, ахырга кадәр безгә кушылып җырлап, алкышлап утырдылар. Каргалыдагы тамашачыларыбызга рәхмәт. Иң җылы, иң моңлы концерт булды ул», – диләр егетләр.