Ата-аналар балалары белән сөйләшсеннәр

Без яңа шәһәрнең 49нчы бистәсендә яшибез. Балалар алма белән бәреп безнең дә тәрәзәне ваттылар. Гаепле баланы таптык, әмма ата-аналары улларына бу эшнең ярамаганлыгын аңлату урынына үзебезгә ташландылар. Юкса, без хокук саклау органнарына гариза язып, балаларын учетка куйдыра ала идек. Кызганыч, хәзерге ата-аналар балаларына нәрсә ярый, нәрсә ярамый икәнен аңлатып үстермиләр. Балаларына дөрес тәрбия бирмиләр. Балалар бакчасына йөргәндә үк тәрәзә ваткан малайлардан нәрсә көтәсең? Алар үскәч кем булыр? Кызганыч, күбесе ата-анасын хөрмәтләми торган кеше булып үсә. Аннары инде ата-аналар үзләренең балаларына дөрес тәрбия бирмәүләрен аңлыйлар, әмма эш узган була инде. 

Зөлфирә Сафина.