Бер төсле булмасын

Икешәр-өчәр катлы йортларда яшәп, кыйммәтле машиналарда йөрүче байлардан да шул ук сумманы, мәсәлән, берәр меңне түләтәләр, очын-очка көчкә ялгап көн күрүче пенсионерлар да шулкадәр түләргә тиеш. Өлкәннәр арасында урамга чыгып йөрмәүчеләр яки бик сирәк кенә чыгучылары да бар, югыйсә. Хәер, пенсионерларга гына түгел, эшләп торган кешеләргә дә акча җиткерүе кыен. Салымны гаиләдәге һәр кешегә түлисе булгач, байтак кына сумма килеп чыга. Дин әһелләре: “Кызганмыйча бирегез, сәдака булыр”, – дип әйтәләр анысы. Хәлле, бай кешеләр бу хакта белеп, үзләреннән саллы өлеш кертсәләр, ярап торыр иде дә. Әмма авылларда хәйрия белән шөгыльләнүчеләр турында әлләни ишетелми: дөнья малы артыннан куалар.
Гөлҗиһан.