Динә Гарипова әни булды

«Голос» телевизион бәйгесендә җиңгән Татарстан кызы Динә Гарипова 19 июньдә әни булды.

Динә Гарипова – Россиянең популяр җырчысы. Аңа танылу 2012 елда килде. Динә беренче каналда бара торган «Голос» җыр бәйгесендә җиңде. Шуннан соң аңа Татарстанның атказанган артисты дигән мактаулы исем бирелде. Матбугат чаралары аны «Русская Адель» дип йөртә башладылар.

Динә моннан берничә ел элек кияүгә чыккан иде. Быел ул әни дә булды. 19 июньдә аның улы туды.