Фирдүс Тямаев концертында бер хатын иренең соңгы теләген тормышка ашырды

Фирдүс Тямаев концертында йөрәкләрне тетрәндерерлек күренеш булды. 

Сәхнәгә чәчәк бәйләме тотып бер хатын менде. «Минем ирем Азат «Спецназ»да махсус хәрби операциядә катнашты. Ул: «Махсус хәрби операциядә катнашучы егетләргә гуманитар ярдәм иткән өчен  Фирдүс Тямаевка карата хөрмәтем артты. Аның концертына барып чәчәк бүләк итәм», –  дигән иде.

Азатым исән-сау ялга кайтты, ләкин кинәт вафат булды. Ирем һәм «Спецназ»да хезмәт итүче егетләр исеменнән рәхмәт әйтеп, Азатымның соңгы теләген үтим», – диде Алсу ханым. 

Зал тулы тамашачылар махсус хәрби операциядә катнашкан геройларны аягүрә алкышладылар.