Фирдүс Тямаев тагын СВО зонасына барды

Татарстанның атказанган артисты Фирдүс Тямаев тагын махсус хәрби операция зонасына барды. Ул хәрбиләргә кирәк-яраклар, күчтәнәчләр таратты.

Өч туганы һәлак булган җирләрдә дә булган.

«Күңелгә бик авыр.  Элек очрашкан егетләребезнең байтагы һәлак булды. Калаган егетләребез исән-сау кайтсыннар иде»,  –  диде ул тамагына төер тыгылган килеш. 

 Җырчы Луганск өлкәсендәге ятим балалар йортына да кереп чыкты. 

«Бу дөньяда чит балалар юк. Балаларга көнкүреш әйберләре, уенчыклар, бүләкләр бирдек. Ярдәмне  Нурлат һәм Әлмәт районнары халкы әзерләде. Балалар киемнәре, уенчыклар, рюкзаклар, аяк киемнәре – барлык кирәк-яраклар алып килдек. Юрганнар, мендәрләр – монда бар әйбер дә бар. Балаларга сез җибәргән әйберләрне тапшырабыз. Тартма-тартма чәкчәкләр, тәм-томнар, конфетлар, печеньелар калдырабыз. Каарагыз әле аларның тырышлыкларын. Төрле спорт ярышларында җиңәләр, кул эшләре белән шөгыльләнәләр», – ди җырчы.