Илсөя Бәдретдинова: «Концертыма 5 кеше килде»

Татарстанның атказанган артисты Илсөя Бәдретдинова Башкортостанның баш каласында зал тутырып концерт куйган.

«Уфа! 14 000 тамашачы! Бу – минем өчен рекорд. 20 ел элек Дүртөйле районы Мәскәү авылында концертыма 5 кеше килгән иде. Бу – минем Башкортстан җирлегендә куйган беренче концертым булды. Әгәр шул көнне, «менә шулай булачак» дип, бүгенге залларны күрсәтсәләр, мин ышанмаган да булыр идем. Башкортстанның кайсы районына барсам да, үз кызыгыз кебек кабул итәсез. Бүләккә күмәсез. Рәхмәтем, хөрмәтем сезгә, кадерле тамашачылар!» – дип хисләре белән уртаклашкан җырчы социаль челтәрдә.