Илсөя Бәдретдиновага Екатеринбургта тәмле бүләк биргәннәр

ТР атказанган артисты бу көннәрдә концертлары белән Екатеринбург каласы татарларын куандырды. Биредә җырчы ике көн рәттән, 24-25 февральләрдә, чыгыш ясады.

Зал тутырып килгән тамашачылар үзләре дә яраткан артистларын чәчәк бәйләмнәренә, бүләкләргә күмде. Аларның берсе, өлкән яшьләрдәге әби, Илсөягә тәмле күчтәнәч бүләк итте. “Менә сезгә торт пешердем, кибетнекен”, - дип көлдертте башта шаян әби. “Изге шәгъбан аенда бергәләп утырып, чәй эчәрсез. (...) Үзеңә Аллаһ хәләл җефет насыйп итсен. Гел шулай телим”, - дип сүзен йомгаклады ул. 

Киләсе концертларын инде Илсөя Төмән, Сургут калаларында үткәрергә җыена. Аннары җырчы кабат Чаллыга киләчәк. Биредә ул иҗат коллективы белән 6 көн рәттән чыгыш ясаячак.

фотоскрин: Гүзәл Кәрәмиеваның аккаунтыннан