Руслан Кираметдиновны Сабан туена чакыру күпмегә төшә?

Тиздән республикабыз район-шәһәрләрендә халкыбызның милли бәйрәме Сабантуйлары башлана. Әлеге бәйрәмне артистлар да көтеп ала. 

Популяр җырчы Руслан Кираметдиновның концерт директоры Айдар Сәфәргалинның җырчының кайларда чыгыш ясавы турында сораштык.

– Руслан – 7 июньдә Минзәлә районы Дәүек, 8 июньдә – Балтач районы Янгул, 9 июньдә – Зәй районы Сармашбаш авылында, 23 июньдә Казан Сабантуенда җырлый. Ул милләттәшләребез белән очрашуга ныклап әзерләнә, тере тавышка җырлый. Тамашачыларга хитка әверелгән җырларын да, яңаларын да тәкъдим итәчәк, – диде Айдар Сәфәргалин «Шәһри Чаллы» газетасы журналистына. 

Җырчының Сабантуйларда чыгышы 100 мең – 150 мең сум. Гадәттә авылларда яшәүчеләргә мондый бүләкне район хакимиятләре, яисә шул төбәктән чыккан эшмәкәрләр ясый. 

Фото Айдар Сәфәргалиннан